उंबरठ्यावर चिमणे पाऊल
पंखाची ही पहिली फडफड
उडून जाइल हेच पाखरू
उद्या कधीतरी फांदी सोडून
ज्युनिअर आणि सिनिअर केजी
करता-करता दरेक साली
निबंध-कविता ट्युशन-गोष्टी
हातांमधुनी गळेल रेती
काही तासांसाठी म्हणता
लंघून जाशील समुद्र सारे
आणि कोठल्या नव्या अंगणी
सजवशील तू अपुले घरटे
घरी दुपारी तुझी माउली
एकटीच मग राहील पाठी
मुक्या बाहुल्या सोफ़्यावरच्या
आठवणींची गातील गाणी
सुरेखा काळवीट
No comments:
Post a Comment